QELEMS

  Nivîskar Jan Dost îro li Pirtûkxaneya Medyayê beşek ji berhemên xwe yê Kurdî ji bo xwînerên xwe îmze kir. Di çalakiya îro de gelek xwînerên Jan Dost amade bûn. Jan Dost di destpêka îmzeyê de, axaftineke kurt pêşkeşî xwînerên xwe kir û dûra çalakî bi pirs û bersivan berdewam kir. Hêjayî gotinê ye ku Jan Dost ber bi dawiya çalakiya îmzeyê ve beşek ji helbestên xwe yên ji Dîwana Jan ji bo xatirê xwînerên xwe xwend. Wêne: Qesîm Etmanekî 

Wêne: Dr. Nûrî Dêrsîmî  Dêrsimî, Xoybûn, Bedirxanî û Cemilpaşazade Dr. Nurî Dêrsimî di beşekê xatirayên xwe de behsa Cemiyeta Xoybûnê dike û balê dikişîne li ser têkiliya herdu malbatên Bedirxanî û Cemilpaşazadeyan. Di wê beşê de Dêrsimî dide xuyakirin ku di navbera van herdu malbatan de rikeberî çêdibe û ji bo bi rêvebirina Xoybûnê pirsgirêk derdikeve holê. Dêrsimî, Bedirxaniyan di warê hişmendî û hestên neteweyî de gelek î pêştetirê Cemilpaşazadeyan dibîne û duristbûna pirsgirêkê jî bi van sedeman ve girê dide. Her wiha Dêrsimî wê wextê dixwaze di navbera herdu layan de navbeynkariyê bike, lê belê ev hewldanên wî bi encameke erênî bi xwe re nayînin. [Hatıratım, Dr. Nuri Dêrsimi, sf. 195-96, DOZ, 1997] *** Dêrsimî, Xoybûn û Cihû Di îlona sala 1945an de Dr. Nurî Dêrsimî ji ber karekî xwe yê malbatî berê xwe dide Qudsê û li wir yekekî Ermenî wî nas dike. Di wê demê de tevî Cihûyekî ji Sêwasê komîsyoneke Cihû serdana Dêrsimî dikin. Komîsyona Cihû behsa tevgerên Barzaniyê Ne